Nýtt klár

Er búin að vera að dunda mér við eina kisu eftir Margaret Sherry. Ég byrjaði á henni fyrir áramót og svo allt í einu um síðustu helgi varð ég að ná í hana og klára hana. Ég hélt það tæki enga stund að sauma hana en það var alveg ótrúlega seinlegt. Ég á svo eftir að gera 11 í viðbót því auðvitað verður maður að klára allt settið.

Ég fór á sunnudaginn í Kringluna og keypti mér saumavél á bresku saumavélasölunni. Mér var búið að langa lengi í saumavél og nú þarf ég bara að læra á hana. Það voru nokkrir sniðugir aukahlutir með henni eins og til dæmis overlock hnífur og ég á örugglega eftir að nota hann mikið.

Nú á ég bara 3 virka daga eftir af sumarfríinu. Ég fer aftur að vinna á miðvikudaginn. Þetta er búið að vera alltof fljótt að líða og maður er alveg búin að venjast því að vera í fríi og eyða deginum bara í sólbaði og við saumaskap. En það verður að vísu ágætt að fara að hreyfa sig aftur því ég hef ekki hreyft mig allt sumarfríið og ég er farin að finna fyrir því að fötin mín eru aðeins þrengri en venjulega.

Erla Björk

Geitungabú

Við lentum í smá ævintýri í dag. Ég var í sólbaði í rólegheitum þegar ég heyri flugnasuð fyrir aftan mig. Ég er ekkert alltof hrifin af flugum og stekk yfirleitt upp þegar ég verð var við þær. Ég lít í kringum mig og sé stóran geitung. Og ekki nóg með það heldur kem ég auga á geitungabú í borðstofuglugganum hjá mér og þar inn skríður hel….. geitungurinn. Þar með var mínu sólbaði lokið og við erum búin að fylgjast með geitungunum í allann dag, fljúga inn og út og þeir eru á fullu að byggja við búið. Maggi hringdi á meindýraeyði sem ætlar að koma á morgun og eitra fyrir þessum viðbjóði. Þá get ég vonandi farið aftur í sólbað án geitunga.

Nú er ég að sauma og mér er svo heitt að ég er að deyja en það er ekki séns að ég opni gluggann svo ég neyðist bara til að sauma í svitabaði.

Erla Björk

Smá uppdeit á Blue Moon Angel

Var rosa dugleg að sauma í gærkvöldi og svo í allan dag og kvöld. Náði að klára allann vænginn og höfuðið. Byrjaði aðeins á kreinikinu og notaði Thread Heaven í fyrsta skipti. Ég verð nú að segja að það er snilldar uppfinning.

Annars er ég að klára tölvuskólann á morgun. Þetta er búið að vera strembið 4 vikna nám og í raun alltof mikið efni á svo stuttum tíma. Maður þarf smá tíma til að leyfa þessu öllu að síast inn. Svo á ég bara 1 og hálfa viku eftir af sumarfríinu og þá verð ég bara í því að sauma og slappa af.

Erla Björk

Brúðkaupsafmæli

Í dag á ég brúðkaupsafmæli!!!   Heil 9 ár síðan ég giftist honum Magga mínum og hann virðist ekki enn vera orðin leiður á mér. Það er ekkert sérstakt á planinu í kvöld, ég held hann fari bara í fótbolta og þá fer ég bara að sauma. Yfirleitt man hvorugt okkar eftir deginum fyrr en nokkrum dögum seinna. Á næsta ári ”neyðumst” við samt til að gera eitthvað og ég er svona að vonast eftir rómantískri helgarferð til útlanda. (Vonandi les hann þetta).

Annars er lítið að gerast í saumaskapnum. Er búin að vera voðalega löt og nenni ekki að sitja við lengi í einu. Vonandi lagast það strax á föstudaginn því þá er síðasti dagurinn í tölvuskólanum og þá getur maður sko farið að vaka lengi frameftir.

Erla Björk

Kvennahlaupið

Fór í dag í Kvennahlaup ÍSÍ í Garðabæ með mömmu og Marín Mist dóttur minni. Þetta er í 8. skipti sem ég fer og mér finnst þetta alveg rosalega skemmtilegt. Ég hef alltaf tekið strákana mína með en þeir þóttust vera orðnir of stórir núna og neituðu að hlaupa með ”einhverjum konum”, svo þeir sátu heima í ár. En litla Marín hefur farið síðan hún var í vagni svo hún sleppur ekki svo auðveldlega. Við skemmtum okkur vel og veðrið var fínt, smá rok en sólin kíkti af og til á okkur. Læt nokkrar myndir fylgja með.

Marín Mist og ég í miðju hlaupi

Marín Mist og mamma komnar í mark

      

Marín, mamma og ég

 

Hara systurnar

Fer pottþétt aftur á næsta ári.

Kveðja Erla Björk

Eitt klár

Var að klára 3 myndina í Lizzie Kate SALinu sem ég byrjaði á í saumaklúbbnum hjá Lindu á miðvikudaginn. Ætlunin var að klára eina mynd á mánuði en það hefur ekki alveg tekist hjá mér. Er samt ákveðin í að klára allar 12 fyrir jólin.

Erla Björk

Blue Moon Angel

Byrjaði aðeins á Blue Moon Angel fra L&L. Er að verða búin með vænginn og geislabauginn utan um höfuðið. Ég hugsa að það verði frekar fljótlegt að sauma þessa og perlurnar eru bara barnaleikur miðað við Stargazer.

Annars bíð ég bara spennt eftir að fá efnið í Fairy Moon og ætla að byrja á henni um leið og það kemur. Er að spá í hvort hún verði ekki flottari ef maður sleppir vængnum.

Erla

Jólasokkar

Ég keypti þessa bók á netinu. Féll alveg fyrir henni um leið og ég sá hana. Þetta eru alls 15 jólasokkar og flestir alveg geggjaðslega flottir. Langar að gera allavega 5 stykki. Veit bara ekki alveg hvort ég eigi að sauma í aida eins og er gefið upp í bókinni eða versla mér evenweave. Finnst samt eins og evenweave sé ekki eins sterkt efni ef manni skyldi nú detta í hug að setja eitthvað í þá.

Er á leiðinni í saumaklúbb í kvöld hjá henni Lindu. Alltaf gaman að hitta stelpurnar.

Bæ í bili
Erla

Einar 11 ára

Nú er hann Einar minn 11 ára í dag. Í gær bauð hann vinum sínum í bíó á Spiderman 3. Og í dag var veisla fyrir fjölskylduna.

Við vöktum hann í morgun og við rúmið hans var pakki. Hann var voða spenntur og dreif sig í að opna pakkann. En í pakkanum var ekkert nema lítill miði sem vísaði honum á annan stað í húsinu. Hann hljóp þangað og öll fjölskyldan á eftir en þar fann hann bara annan miða. Greyið þurfti að hlaupa á 8 staði í húsinu með fjölskylduna á hælunum þar til hann fann pakkann. Þetta vakti mikla kátínu og Marín var ákveðin í að svona yrði þetta líka gert þegar hún ætti afmæli. Við pössuðum líka upp á að hann þyrfti alltaf að hlaupa upp og niður stigann til skiptis. Það þarf nú að hafa fyrir því ef maður ætlar að fá afmælispakka.

Saumafréttir

Ég var byrjuð á Blue Moon Angel frá Lavender & Lace. Er næstum búin með vænginn og byrjuð á hnettinum. Svo eftir að ég fékk Stargazer upp á vegg þá langaði mig svo til að byrja á Fairy Moon. En mig vantaði efni og hvað gerir maður þá? Jú, maður fer bara á netið og pantar það. Ég pantaði hjá Sugar Maple Fabric. Það er tilboð hjá þeim út árið. Ef maður kaupir fyrir 100 $ þá fær maður 25% afslátt. Og ef maður kaupir fyrir 100 $ eða meira eftir afslátt þá er frír sendingakostnaður. Þannig að ég keypti efni fyrir Fairy Moon, Petal Fairy, Bliss Fairy og Firefly fairies. Get ekki beðið eftir að fá þetta allt saman.

Langaði allt í einu að sauma aðeins í Little Angel. Hef ekki snert á henni í marga mánuði. Það er voða gaman að grípa aðeins í eitthvað aftur eftir langan tíma.

Læt þetta duga í bili.

Kveðja Erla Björk

Komin í ramma

Þá er hún komin í ramma og upp á vegg. Ég lét ramma hana inn hjá innrömmun Renate og ég er alveg rosalega ánægð með útkomuna. Hér er mynd.

Ótrúlegt að það skuli bara hafa tekið 5 mánuði að klára þessa. Langar núna rosalega að byrja á Fairy Moon og láta þær hanga hlið við hlið. Þá mundi ég hafa þær í eins ramma og ég hugsa að þær væru æðislegar saman. En ég á eftir að panta efni fyrir Fairy Moon svo ég get því miður ekki byrjað strax.

Erla B

Sumarfrí

Þá eru börnin komin í sumarfrí. Fóru í skólann í morgun og sóttu einkunnirnar sínar. Ég held þau séu nú ósköp fegin og orðin þreytt eftir veturinn. Verst er að nú vilja þau vaka svo lengi á kvöldin því þeim finnst engin ástæða til að fara snemma að sofa. Og það þýðir að það er minni friður fyrir mig til að sauma.

Ég er á annarri vikunni í tölvuskólanum. Það gengur bara vel og ég er búin að læra helling en ég sé að ég kann nú bara þokkalega mikið. Kvíður mest fyrir að fara í Excel því ég hef verið minnst í því og kann eiginlega ekkert á það. En maður verður bara að kíla á það. Við vorum að vinna í Word í dag og það er ótrúlegt hvað hægt er að gera í því. Fór svo heim og ætlaði að æfa mig en sá þá að ég var með svo gamla útgáfu af Word í tölvunni minni (sem Eiður bróðir minn reddaði mér þegar ég fékk tölvuna. Eiður á ekkert að fara að uppdeita hjá sér? og stóru systur?). Þannig að mig vantar fullt að fídusum til að æfa mig hér heima. Redda því seinna.

Læt þetta duga í bili.

Kv Erla Björk

The Stargazer frá Mirabilia

Ég fór með Stargazer í innrömmun í síðustu viku. Hún verður væntanlega tilbúin á föstudaginn. Hlakka ekkert smá til að sjá hana tilbúna og komna upp á vegg. Hér er mynd af henni.

Hún er alveg stórglæsileg

Kv. Erla

Önnur bloggfærsla

Er búin að vera í allan dag að prufa mig áfram og fikta og breyta fram og tilbaka.

Vantar samt smá hjálp við að leggja lokahönd á þetta.

Kveðja Erla

Fyrsta bloggið mitt

Langaði að prufa að hafa bloggsíðu. Er alveg ný í þessum heimi. Vonandi á þetta eftir að ganga vel hjá mér.

Kveðja Erla