Archive for the ‘New Stash’ Category

Nóg að gera í Florída og nýtt saumadót

Það er búið að vera nóg að gera hjá okkur. Við fórum í aðalgarðinn í gær Magic Kingdom. Við vorum mætt í garðinn um 9.30 og fórum heim rétt fyrir 10 um kvöldið. Mjög langur dagur en líka lang skemmtilegasti garðurinn.
Strákarnir höfðu það af að draga mig í einn rússíbana. Hann virkaði ekkert svo hræðilegur að sjá en ó mæ god ég öskraði allan tímann.
Marín skemmti sér vel í garðinum. Við fórum í hringekjur og meira að segja eina sem var mjög hátt uppi og við sáum yfir allan garðinn. Hún ríghélt að vísu í mig og ég held hún væri ekki til í að fara aftur. Við fórum svo öll í bollana sem ég man eftir síðan ég fór í Disney þegar ég var 7 ára. Geðveikt gaman að rifja það upp.
Við fórum svo saman í GoKart. Marín keyrði Magga, Alexander keyrði mig og Einar var einn í bíl. Ég er nú ekki viss um að ég láni Alexander bílinn minn þegar hann fær bílpróf. Hann var í því að keyra upp í kant og klessa á aðra.
Það var skrúðganga í garðinum um miðjan dag og svo önnur um kvöldið sem var auðvitað miklu flottari. Rosalega gaman að sjá hvað er lagt mikið í þetta.
Ef þið hafið áhuga á að sjá myndir úr ferðinni okkar biðjið þá bara um það í kommenti og ég skal senda ykkur slóðina á emaili.

Á þriðjudaginn fór ég í saumabúð sem heitir Needle Orts. Ég varð fyrir smá vonbrigðum með þessa búð. Ekkert sérstakt úrval og allt eitthvað svo óaðgengilegt. En ég keypti fullt af handlituðu garni og eitt kit og nokkur skæri. Það er aldrei svo slæmt að maður geti ekki keypt eitthvað.

The Cat´s Whiskers
The Garden Chair
Fullt af Weeks Dye Works
Fullt af Cresent Colours
Nokkur skæri

Ég fór svo í dag aftur í Needle Craft World og sótti það sem var pantaði fyrir mig í síðustu ferð. Hún er alveg frábær þessi kona sem á búðina og gaman að kjafta við hana. En þetta er það sem ég fékk.

Country Cottage Needlework
Forest Snowfall
Needlework Shop
Joyful Summer
Little House Needlework
All Dolled Up
The Sweetheart Tree
Don´t Bug Me

Just Nan
When Barnabee Met Bella og efni
Waxing Moon Design
Winter Sampler
One Sheep Open Sleigh
Nokkra WDW þræði

Raise The Roof
Snow Fence + buttons
Heart In Hand
Perfect Snowman + buttons
Bent Creek
The Cold Snowman

Það á eftir að vera svo gaman hjá mér í vetur að sauma. Nóg af verkefnum til að velja úr.

Komin til Florída

Við erum loksins komin til Orlando. Við leigðum okkur villu í Davenport í hverfi sem heitir Westbury. Við erum búin að vera hér í 4 daga og líkar ofsalega vel. Húsið er alveg æðislegt og sundlaugin er algjör nauðsyn. Við erum komin út í laug um 8 á morgnana. Fyrstu 2 dagana fór að rigna eftir hádegi og þá fórum við bara að versla. Í gær og í dag var sól allann daginn. Við eyddum deginum í dag við laugina og allir eru komnir með far eftir sundfötin.

Ég fór í saumabúð í Kissimmee á föstudaginn sem heitir Needle Craft World. Þetta er frekar lítil búð en ótrúlega margt til og frábær konan sem á búðina. Ég var ein að versla í búðinni og ég fékk frábæra þjónustu. Hún átti ekki allt sem ég spurði um en hún bauðst til að panta það og ég má svo sækja það eftir 10 daga. En þetta er það sem ég keypti í þetta skiptið.

Just Nan
Gilded Dragonfly og silki

Little House Needleworks
Little House Neighbourhood og efni
Counting House og efni
Chocolate Shoppe og efni
Yesteryear og efni

Just Nan
Mitten Men
Making Friends og efni
Heart in Hand
Winter Fob og WDW

Svo er ég búin að kaupa alls konar smádót í Wall Mart og JoAnn.

Í þessari viku er planið að byrja að þræða garðana. Við erum ekki enn alveg búin að ákveða hvaða garðar verða fyrir valinu en við erum ákveðin í að klára alla Disney garðana í þessari ferð.

Nýtt saumadót

Ég datt í það um daginn og verslaði mér smá saumadót. Maður getur jú alltaf bætt á sig.

Ég var búin að kaupa mér Snowman Trio hjá Stitching Bits and Bobs og datt svo inn á Down Sunshine Lane og keypti mér alla þræðina og rétta efnið. Er að spá í að byrja aðeins í kvöld. Það er svo freistandi að prufa nýju þræðina.

Svo fór ég óvart inn á 123 Stitch og sá að það var útsala á Margaret Sherry munstrum. Ég er mjög hrifin af hænunum hennar svo ég keypti mér The Hen Night. Og auðvitað er ekki nóg að kaupa bara eitt saumadót. Maður verður að nýta sendingarkostnaðinn svo ég keypti líka JCS Christmas Ornament og Love One Another frá Ladybug Lane.

Ég er ekki að sauma mikið þessa dagana. Ég er að berjast við að ná úr mér vöðvabólgunni sem ég fékk eftir Nature´s Home. Var farin að fá svo svakalega höfuðverki en þeir eru nú nánast búnir. Ég er alla vega búin að sanna það að ég er ekki með ofnæmi fyrir súkkulaði.

Hafrún mín ég er nú meira en hálfnuð með myndina sem Álfheiður Amý á að fá. Hún verður tilbúin einn daginn. Vittu til!

Erla Björk

Fullt af garni

Pósturinn var að banka upp á hjá mér með pakka. Og viti menn enginn tollur. Þvílík hamingja. Ég pantaði mér DMC garn á ebay. Vann 2 sett með 334 dokkum hvort, sem sagt 668 dokkur. Svo þegar ég opnaði pakkann þá voru þar 2 pokar báðir merktir 334 og svo var einn lítill poki með auka 85 dokkum sem seljandi hefur bara látið fylgja með. Sú fékk sko gott feedback. Ég er í skýjunum.

Vill einhver koma í ”floss bath”?

Ný efni

Pósturinn var að banka upp á hjá mér með efnin sem ég pantaði frá Sugar Maple Fabrics. Og viti menn mér var bara réttur pakkinn og ekki rukkuð um krónu. Bara ef það væri alltaf svona.

Ég pantaði þessi efni:

Moon Princess fyrir Fairy Moon

Var samt að bera þetta efni saman við efnið sem Stargazer er á og er ekki viss um að þessi tvö efni geti hangið saman hlið við hlið. Þannig að kannski panta ég annað fjólublátt fyrir Fairy Moon og nota þetta í eitthvað annað.

Fay´s Circle fyrir Firefly Fairies

Mér finnst þetta alveg geggjað efni og væri til í að byrja strax á þessari mynd.

Northen sky fyrir Petal Fairy og Bliss Fairy

Varð fyrir smá vonbrigðum með þessi efni. Á netinu voru þetta blá efni með ”skýjum”. En komin til mín er minnst af þeim blátt og mikið af gulum, grænum og fjólubláum tónum. Svo ég veit ekki alveg hvort ég nota þau í það sem ég ætlaði. En ég hugsa að þau gætu samt alveg gengið. Annars er ekkert mál að panta bara fleiri efni.

Erla Björk

Jólasokkar

Ég keypti þessa bók á netinu. Féll alveg fyrir henni um leið og ég sá hana. Þetta eru alls 15 jólasokkar og flestir alveg geggjaðslega flottir. Langar að gera allavega 5 stykki. Veit bara ekki alveg hvort ég eigi að sauma í aida eins og er gefið upp í bókinni eða versla mér evenweave. Finnst samt eins og evenweave sé ekki eins sterkt efni ef manni skyldi nú detta í hug að setja eitthvað í þá.

Er á leiðinni í saumaklúbb í kvöld hjá henni Lindu. Alltaf gaman að hitta stelpurnar.

Bæ í bili
Erla