Nóg að gera í Florída og nýtt saumadót

Það er búið að vera nóg að gera hjá okkur. Við fórum í aðalgarðinn í gær Magic Kingdom. Við vorum mætt í garðinn um 9.30 og fórum heim rétt fyrir 10 um kvöldið. Mjög langur dagur en líka lang skemmtilegasti garðurinn. 
Strákarnir höfðu það af að draga mig í einn rússíbana. Hann virkaði ekkert svo hræðilegur að sjá en ó mæ god ég öskraði allan tímann.
Marín skemmti sér vel í garðinum. Við fórum í hringekjur og meira að segja eina sem var mjög hátt uppi og við sáum yfir allan garðinn. Hún ríghélt að vísu í mig og ég held hún væri ekki til í að fara aftur. Við fórum svo öll í bollana sem ég man eftir síðan ég fór í Disney þegar ég var 7 ára. Geðveikt gaman að rifja það upp.
Við fórum svo saman í GoKart. Marín keyrði Magga, Alexander keyrði mig og Einar var einn í bíl. Ég er nú ekki viss um að ég láni Alexander bílinn minn þegar hann fær bílpróf. Hann var í því að keyra upp í kant og klessa á aðra.
Það var skrúðganga í garðinum um miðjan dag og svo önnur um kvöldið sem var auðvitað miklu flottari. Rosalega gaman að sjá hvað er lagt mikið í þetta.
Ef þið hafið áhuga á að sjá myndir úr ferðinni okkar biðjið þá bara um það í kommenti og ég skal senda ykkur slóðina á emaili.

Á þriðjudaginn fór ég í saumabúð sem heitir Needle Orts. Ég varð fyrir smá vonbrigðum með þessa búð. Ekkert sérstakt úrval og allt eitthvað svo óaðgengilegt. En ég keypti fullt af handlituðu garni og eitt kit og nokkur skæri. Það er aldrei svo slæmt að maður geti ekki keypt eitthvað.

The Cat´s Whiskers
 The Garden Chair
Fullt af Weeks Dye Works
Fullt af Cresent Colours
Nokkur skæri

Ég fór svo í dag aftur í Needle Craft World og sótti það sem var pantaði fyrir mig í síðustu ferð. Hún er alveg frábær þessi kona sem á búðina og gaman að kjafta við hana. En þetta er það sem ég fékk.

Country Cottage Needlework
Forest Snowfall
Needlework Shop
Joyful Summer
Little House Needlework
All Dolled Up
The Sweetheart Tree
Don´t Bug Me

Just Nan
When Barnabee Met Bella og efni
Waxing Moon Design
Winter Sampler
One Sheep Open Sleigh
Nokkra WDW þræði

Raise The Roof
Snow Fence + buttons
Heart In Hand
Perfect Snowman + buttons
Bent Creek
The Cold Snowman

Það á eftir að vera svo gaman hjá mér í vetur að sauma. Nóg af verkefnum til að velja úr.

Gaman í Florída

Það er búið að vera mjög gaman hér í Florída. Það er alltaf að hitna og hitna. Fyrstu vikuna var hitinn voða notalegur en nú gerir maður ekki annað en að flýja í skuggann. Það er líka búið að vera sól alla daga þar til í dag að við vöknuðum við þvílíkar þrumur að okkur stóð ekki sama. Þegar við vorum komin fram í stofu þá lýstist upp garðurinn og svo kom hellidemba.

Við ákváðum að kaupa miða í alla Disney garðana og sleppa hinum þar til í næstu ferð. Við erum búin að fara í Epcot, Animal Kingdom og Blizzard Beach sem er vatnsleikjagarður.

Á þriðjudaginn fórum við í Epcot. Það var skemmtilegra en ég hélt. Við fórum í tæki sem heitir Soarin. Þá er eins og maður sé að fljúga og það var alveg geðveikt. Marín kom titrandi úr tækinu en fannst samt gaman. Strákarnir fóru í einhver tæki og skemmtu sér vel. Við fórum líka í Nemó ævintýraferð sem var ekkert spes. Við fórum í bátsferð um verndun jarðarinnar. Við fórum svo í 3D bíó á Honey I shrunk the audience. Það var frekar óþægileg reynsla og Marín grét nánast allan tímann. Sem betur fer tók þetta bara 20 mínútur. Þetta er miklu raunverulegra en í bíóum heima. Þegar músum var sleppt í myndinni þá var settur blástur á fæturnar á manni og manni fannst eins og það væru mýs að strjúkast við mann. Svo þegar hundurinn hnerraði þá fékk maður vatnsúða á sig. Við vorum voða fegin að komast út.

Á miðvikudaginn fórum við í Animal Kingdom. Við byrjuðum á því að heilsa upp á Terku, Guffa og Andrés. Við vorum svo búin að fá miða á It´s though to be a bug og drifum okkur á það. Við höfðum ekki hugmynd um hvað við vorum að fara í. Héldum að þetta væri bara einhver sýning. En þetta reyndist vera 3D bíó. Fyrst byrjaði þetta voða sætt. Það var bara lítið sætt fiðrildi að fljúga fyrir framan mann. En svo hófust lætin. Marín grét allan tímann og maður heyrði í salnum að það var hvert einasta barn grátandi. Strákarnir meira að segja lokuðu augunum og við héldum fótunum upp í sætunum þegar kóngulónum var sleppt og allur salurinn öskraði. Svo var þetta að verða búið og þá sagði aðalpersónan: Nú ætlum við að safna öllum pöddunum saman og þá fann maður undir sætinu sínu eins og það væru pöddur að skríða og allir öskruðu. Ég get ekki sagt hvað við vorum fegin að komast út. Marín greyið skalf og tirtraði af hræðslu þó ég hafi haldið fyrir augun á henni allan tímann og Alexander svona kóngulóarhræddur. Við förum ekki aftur á svona 3D bíó.
Við fórum svo í einhver tæki og Maggi fór með strákana í 2 rússíbana. Annar hét Dinosaur og í honum birtust risaeðlur og strákarnir voru víst bara með lokuð augun og horfðu á tærnar á sér. Hinn fór í gegnum fjall og þar skemmtu þeir sér vel. Strákarnir fóru svo með mig í barna rússíbana og ég öskraði eins og smástelpa allan tímann.

Í gær fimmtudag fórum við svo í Blizzard Beach. Við renndum okkur fullt og skemmtum okkur vel. Maggi kom vel brenndur til baka. Ég brann á öxlunum en börnin sluppu alveg.

Í dag eru svo bara þrumur og eldingar. Inn á milli kemur svo úrhelli. Okkur stendur ekki alveg á sama því lætin eru svo nálægt. Og fyrst það er ekki sól í dag þá ætlum við að skellla okkur í Outlet og strauja kortin.

Komin til Florída

Við erum loksins komin til Orlando. Við leigðum okkur villu í Davenport í hverfi sem heitir Westbury. Við erum búin að vera hér í 4 daga og líkar ofsalega vel. Húsið er alveg æðislegt og sundlaugin er algjör nauðsyn. Við erum komin út í laug um 8 á morgnana. Fyrstu 2 dagana fór að rigna eftir hádegi og þá fórum við bara að versla. Í gær og í dag var sól allann daginn. Við eyddum deginum í dag við laugina og allir eru komnir með far eftir sundfötin.

Ég fór í saumabúð í Kissimmee á föstudaginn sem heitir Needle Craft World. Þetta er frekar lítil búð en ótrúlega margt til og frábær konan sem á búðina. Ég var ein að versla í búðinni og ég fékk frábæra þjónustu. Hún átti ekki allt sem ég spurði um en hún bauðst til að panta það og ég má svo sækja það eftir 10 daga. En þetta er það sem ég keypti í þetta skiptið.

Just Nan
Gilded Dragonfly og silki

Little House Needleworks
Little House Neighbourhood og efni
Counting House og efni
Chocolate Shoppe og efni
Yesteryear og efni

Just Nan
Mitten Men
Making Friends og efni
Heart in Hand
Winter Fob og WDW

Svo er ég búin að kaupa alls konar smádót í Wall Mart og JoAnn.

Í þessari viku er planið að byrja að þræða garðana. Við erum ekki enn alveg búin að ákveða hvaða garðar verða fyrir valinu en við erum ákveðin í að klára alla Disney garðana í þessari ferð.

Loksins farin að sauma aftur

Ég er búin að sauma mjög lítið undanfarna 2 mánuði. Ég er samt aðeins að byrja aftur og það er voða gott að geta aðeins gleymt sér í smá stund. Ég fékk 2 góðar konur í heimsókn í gær. Það voru Guðbjörg og Sissú og við héldum svona spes Quilted Hearts Garden saumaklúbb. Það var æðislega gaman að hitta þær og sauma saman. Ég náði meira að segja að klára einn hluta í stykkinu mínu.

Næst er að klára húsið og byrja á hjartanu. Sissú er að verða búin með næsta hluta fyrir neðan og Guðbjörg langt komin svo ég verð að fara að herða mig. Það er ekkert smá pressa á manni!!!

Patta blogg

Ég var að búa til síðu fyrir Patta minn. Þar er hægt að lesa hvernig leitin er búin að ganga og sjá myndir af honum. Hann er núna búinn að vera týndur i 6 vikur og við erum gjörsamlega ráðalaus. Kíkið á það: http://pattityndur.blog.is

Pinkeep fyrir Lindu

Ég bjó til þennan Pinkeep fyrir Lindu í Pinkeepskiptunum í Allt í kross. Það er frekear fyndin tilviljun að við vorum dregnar saman. Þetta er fyrsti pinkeepin sem ég geri og ég held hann hafi bara heppnast vel. Efnið sem hann liggur á er efnið sem er á bakhliðinni.

Ég skilaði pinkeepnum í seinna laginu. Ástæðan er að litli voffinn okkar hann Patti er búinn að vera týndur núna í rúmar 2 vikur. Öll leit hefur engan árangur borið og maður hefur ekki getað fest sig við neitt annað en að leita eða hugsa til hans. Ég læt fylgja með mynd af Marín og Patta á góðri stund. Marín var að horfa á teiknimyndir og Patti steinsvaf í fanginu á henni á meðan. Við þráum ekkert heitar en að finna hann aftur og koma honum heim í hlýjuna og öryggið. Svo yrði hann að sjálfsögðu knúsaður endalaust.

Pinkeep frá Lindu

Ég var að fá minn pinkeep úr pinkeepskiptunum og hann var frá Lindu. Takk fyrir mig elsku Linda. Hann er algjört æði og ég er í skýjunum.

Ég er langt komin með minn. Á eftir nokkra krossa og svo að ganga frá honum. Hlakka svo mikið til að afhenda hann nýjum eiganda.

Magnús og Erla

Var að klára fyrsta hjartað í Quilted Hearts Garden. Sissú rétt marði að vera á undan mér. Í hjartanu átti að standa Bless this home en þar sem við vildum ekki hafa enskan texta í myndinni þá eftir töluverða umhugsun ákváðum við að hafa nöfnin okkar og makanna. Við ætlum svo að íslenska allan texta. Vonandi á það eftir að ganga vel. En hér er mynd af hjartanu.

Og eins og í Nature´s Home þá er ég að spá í að sýna ykkur alltaf heildarmynd. Sjáiði bara hvað efnið kemur flott út. Við erum svo rosalega ánægðar með það.

Quilted Hearts Garden

Já ég er komin aftur í geðveikina. Ákvað að ég yrði að sauma nýja afganinn frá Stoney Creek. Ég plataði Sissú með mér í þetta verkefni og við fórum í kapp um helgina með fyrsta hlutann. Mér til ómældrar gremju þá vann Sissú mig. En ég hélt ótrauð áfram og er búin með 2 fyrstu hlutana. Myndin er 7×7 hlutar - alls 49. Fyrsta myndin er svo sem ekkert merkileg. Bara blómarammi sem verður í öllum köntunum.

Myndin er saumuð í 16 count Cloud Pink Aida frá Sew it all. Geggjað flott efni.

 

Alexander Örn fermingardrengur

Í dag 13. apríl fermdist hann Alexander minn. Athöfnin fór fram í Árbæjarkirkju kl. 13.30. Það voru bara 8 krakkar sem fermdust þennan dag. Allt gekk rosalega vel og honum tókst að muna allt sem hann þurfti að muna. Hér er mynd þar sem verið er að ferma drenginn.

Við héldum veisluna svo heima kl. 16.00. Maggi sá um fermingartertuna og mamma bakaði kransakökuna. Svo var ýmislegt annað góðgæti sem við hjálpuðumst öll að við að baka. Hér er svo mynd af okkur foreldrunum með fermingarstrákinn okkar sem við erum svo stolt af.

Álfheiður Amý

Þegar Hafrún tilkynnti að hún ætti von á lítilli dóttur þá hugsaði ég með mér að það væri gaman að sauma eitthvað handa þeirri litlu. Ég ákvað að sauma þessa mynd sem er hönnuð af Ruth J. Morehead og hafa hana vel bleika.

Svo fékk ég hjálp frá mömmu sem bjó til púða fyrir mig. Og hér er útkoman.

Myndin er saumuð á 32 count Linen Cloud Pink

Skærapúði frá Siggu

Hún Sigga bankaði upp á hjá mér í gær og færði mér þennan skærapúða og súkkulaði sem kláraðist á engum tíma.

Takk kærlega fyrir mig Sigga.  Mér finnst hann rosalega flottur. Og súkkulaðið var auðvitað algjör snilld!

Skærapúðaskipti

Ég tók þátt í skærapúðaskiptum í Allt í kross. Ég átti að gera skærapúða fyrir Sesselju og valdi að gera þennan.

Framhliðin

Bakhliðin

Munstrið er úr Victoria´s Quaker og ég saumaði hann með Imitation Silk (gervisilki) sem ég keypti svo mikið af í London.

Ég bíð svo bara spennt eftir að fá minn skærapúða. Það verður gaman að vita frá hverjum hann er.

Fermingarkort

Það er ekki búið að vera mikið að gerast á blogginu mínu síðasta mánuð. Það er nú ekki af því að ég hef ekkert saumað heldur var ég að klára smá leyniverkefni sem ég get bráðum farið að sýna.

Nú er ég dottin í fermingarkortin. Er búin að fá nokkrar pantanir og það gengur vel að vinna úr þeim. Svo þarf ég auðvitað að sauma eitt handa honum Alexander mínum sem fermist 13. apríl.

Ég hef aðeins verið að sauma í hafmeyjunni minni. Var að klára blómin á höfðinu á henni og það var frekar tímafrekt.

Snowman Trio - Milly

Var að klára fyrsta snjókarlinn í Snowman Trio. Það var ótrúlega gaman að sauma þennan og þá sérstaklega húfuna. Það vantar að vísu 3 hjartalaga tölur á myndina. Ég þarf að panta þær við tækifæri og festa á hann.

Saumað á 28ct ”Bluebell” Jobelan                                                                                                                                                   Þræðir DMC, WDW og Sampler Threads